RENUNGAN HARIAN TORAYA (REHAT)
Senin, 12 Agustus 2024
NAPEMBULOI! PUANG
Tuhan yang membela
Pa’pudian 57:1-72
lake dipelalanni te kadanna to ma’pudi lan te pa’basan. manassa lendu’ masangna tu katuoan natingoi. la tu to unkabiri’i sia morai umpatei sangtinti to singa tu lendu’ metakuranna, umpadukku api kasanggangan, ia tu isinna susi doke sia tinaran, mataran tu lilana butung la’bo‘. Denraka kasalanna tu to ma’pudi? Tae’ra kakadakean na pogau‘ sangadinnari kamabirisanna Saul lako kalena.
Belanna pussak tongan tu to ma’pudi saelako butung la moro’mo tu kapatongananna, apa tontongsia mengkilala kumua tae’ anna la unneloranni Puang la Sanggang. lamoto na lan ay.2 napamanassa tu pengkamoyana lako Puang situang ungkanappai’ (3) kumua Puang la untundui sia umpasundunanni tu mintu’na apa. lamoto belanna lantuk tongan lan kamassoronganna lako Puang anna urunganni moi anna
talimbungi ualinna apa tontong ma’tan sia rapa’ tu penaanna (8). Male tongan tipasirri’ tu to ma’pudi dolu buntu sia membuni lan lo’ko’ belanna naula’ manuk-manuk ualinna, apa belanna kuasanNa Puang tu ungkulamu tarunoi saelako tae’ lalanna tu to ungkabiri’i
la ussanggangi tu katuoanna.
Pembuda ki’ untungoi temai kamabirisanna tau lako kaleta belanna umpana’ta’ki’ katonganan. Buda tau pabali-bali lako temai kameloan’ dipokada sia dipana’ta’, apa tae’ annaladen sosso’ penaa sia tangla nakamummu’ki’ tu la tontong mendadi sa’bi katongananNa Puang. Kanappai’ kumua Puang la umpembuloiki’ diomai mintu’ ualinta. Amin.
