UNTURU’ LALAN KAPATONGANANNA ABRAHAM

Abraham digente’ ambe’namintu’ to ma’patongan. Tantu den naposaba’ na pa’gantianan iato la’ka lako kalena. Kalantukan penaanna ungkatappa’i sia umpatongan tu mintu parenta sia pangallu’Na Puang Matua lako kalena anna disanga napomalolo dio olona Puang Matua.

Lako kombongan dio Roma, ma’pakilala tu Paulus kumua da’na iatu sunna’ napoparannu dio olona Puang Matua sangadinna la unturu’ duka tu lalan kapatongananna Abraham. Unturu’ lalan kapatonganna Abraham battuananna unturu’ lan kamengkaolan lantuk lako Puang Matua, unturu’ umbanakua Abraham umpatonganni  sia umpogaukanni tu mintu’ parenta sia pangallu’Na Puang Matua lan lingkanna katuoanna. Unturu’ lalan kapatonganna Abraham ma’din duka dipahang kumua kasadian untampe tu mintu’ diposande’na lan katuoan anna sande’ tongan lako Puang Matua.

Iatu pa’pakilalanna Paulus, totemo tu’tun duka lako kita belanna iatu to umpatongan Puang Matua lan Yesu Kristus biasa duka digente’ anakna Abraham diona kapatongan. Belanna anak-anaknaki’ Abraham diona kapatongan, tantu parallu dukaki’ tuo unturu’ lalan kapatonganna Abraham. Kumua tae’ na iatu kamangkanta mangaku untarima Puang Yesu sia kamangkanta didio’ lan sanganNa Ambe, Anak na Penaa Masallo tu la diposande’ sangandinna la lantuk penaaki’ mengkaola, sia ponno penaaki’ mengkaturu’ lako mintu parentaNa sia tapatongan-tonganni tu mintu pangallu’Na , susi Abraham umpatonganni kumua makuasa tu Puang Matua ungkamasei tu Sara anna ma’dadian bati’ lan kamatuanna(bd Ibr 11:9-12). Amin

Pertanyaan: Apa naposaba’ na buda to sarani tae’ na tuo unturu’ lalan kapatonganna Abraham?