RENUNGAN HARIAN TORAYA (REHAT)
Senin, 12 Mei 2025
NAANGA' PUANG TU KAMISARAN
(Tuhan nenghendaki Persatuan)
Yeheskiel 37:15-28
Nakua bassena Toraya "Misaʻ kada dipotuo pantan kada dipomate", battuananna ia tu kamisaran inang melo sia mala'bi'. la temai kapa'misaran ba'tu lan raka kasipulungan, lepongan tondok ba'tu lan raka kombongan ke nenne'mi tangrapa' belanna pantan- pantanmo tu tau untonganan misa manassa inangla tangsitamamo tu pa'inaan umpabu'tu kamarukkan yaraka na kasanggangan.
la tu To Israel tipa'duamo anna mendadi da'dua kadatuan, iamo tu kadatuan lsrael anna kadatuan Yehuda. Bannang iamote anna bu'tu tu pa'nubua' diomai Puang Matua tu nalopian Kadipamisaranna nalopian Yehezkiel kumua ladipamisa' sule To Israel sule dialan panganderan duangpolo kayu, ia tu To Israel tu nasisolan, sangpolo disanga kayunna Yahuda sisola anna ia tu sangpolo disanga kayunna Yusuf sisola mintu’ to Israel tu nasisolan (ay.16). la te duangpolo kayu, disua tu Yehezkiel pasikandei anna mendadi misa', anna iake denni tau pekutananni lanakua tu Yehezkiel mebali „lakupamisa'mora bangsa tu iatomai sia misa'mora datu la undatui sola nasangi; tae'mo nala da'dua bangsa sia tae'mo nala dipa'dua kadatuan (ay.22).
Nalampakmo Puang Matua kumua ke misa'mi sule tu bangsa iato, ia tu la mendadi datunna iamo tu Daud dikua anna turui tu aluk napondok Puang Matua sia atoran-Na. Laditananan basse kasikaeloan diomai Puang Matua la mendadi tanda sia lamendadi pentoean manda'na to kenapasulemi Puang lako tu tondok Napamaindananni Puang sia dio inan iato lananai memba'ka' anna tontong tu Puang ma'dioren lan alla'na.
Mala'bi' tu kapa'misaran tontong dipana'ta' lan kasanginaan belanna iamo diporapa sia inang naanga' Puang Matua. Inde dukamoto lananai Puang tontong umpa'kamasean kamarampasan sia
passakke anna dipomakarimman samalele. Puangmo oto'na kasanginaan. Amin.
