RENUNGAN HARIAN TORAYA (REHAT)
Senin, 22 September 2025
KAMAUPARANNA TONGAN
(Kebahagiaan yang sesungguhnya)
------- Yeremia 9:23-26 -------
Lan lingkana katuoanta, buda te mai apa dipomaupa' siadipomasannang. Den tu tau umpomaupa' bati'na belanna silelemo ussangami melo-melo kaletteran utanna. Den duka tu kamauparan ke unno'koi'mi kakuasan sia denmo pangka' dio kalena. Biasa duka to diomai ke denni temai Rambu Solo' dipana'ta' na ganna' temal apa naangkaran to ma'rapu, nakua tau umpokadai maupa' tu to memboko' belanna paria tu panglolloanna lako bati'na. Bu'tu pekutana, kumua den raka tu kamauparan senga', tu ma'din mebaa lako katuoan? Ba'tu dikua apara tu kamauparanna tongan tolino?
lamote tu naparampo Yeremia, kumua nang den ya tu kamauparanna tongan tolino sia misa' duka ri tu kamauparan lan te lino tu lana pomaupa' sia na porongko' tolino, tu laumpabu'tu katuoan. Napokada Yeremia tu ianna te, belanna iatu to Israel attu lato tontong bangmo massattuan lako kamaluteanna, kamatotoranna, sia kasugiranna saelako nabokoi'mo tu Puang sia tae'mo na tandai tonganni tu Puang kapenombanna. lamoto na pakilalai Yeremia kumua, iatu kamauparanna tongan tolino, tae'na ullendu'i manna kamanarangan, kamatotoran, kasuigiran, sangadinna ullendu'i kauntandaianta tongan Puang Matua, kumua iamo Puangna mintu' ma'dandan maritik tu umpalalo kamasokanan, kamalamburan, sia kamaloloan lako mntu' panampa-na ma'ondonganna lako torro to lino.
lake ditiroi lan lino totemo, butung silomba tonganmo temai tau undakai' tu nasanganna lanapomaupa', iarakaia iatu buda ditiro iamo tu undaka' kamauparan situru' sukaran lino kumua podo ke napouleleanni tau tu tomai apa diampui sia yatemai sara' dipana'ta' kumua maupa'mo ia. la tu kamauparan lino den anggenna, apa ia tu kamauparan lan Puang iamo kamauparan matontongan. Amin
Sumber : Buku Renungan Harian Toraya (REHAT)
Diterbitkan oleh Badan Pekerja Sinode (BPS) Gereja Toraja.
